Национальной
библиотекаын «Зарни тюльпан»
книгаен тодматскон ортчиз. Та
книгае пыртэмын Бенэдэк Элэклэн
(1859 -1929) мадьяр кылысь
удмурт кылэ берыктэм
выжыкылъёсыз. Соосты со ас
вакытаз калык полысь бичам,
лыдзись кие вуттэм.
Книгаез поттыны юрттйзы Кузебай
Герд нимо гимназиысь дышетйсь
Анастасия Петрова но Удмурт кун
университетысь мадьяр кыллы
дышетйсь Миклош Дэметэр. Соос
нырысь ик вазиськизы «Зечбур!»
газетын ужасьёслы: суредаськись
пиналъёс куспын конкурс
ортчытйзы. Отысь усто ужъёсты
книгалы бырйизы. Настялэн но
Миклошлэн куать аресъем Ката
нылзылэн но суредэз татчы
пыртэмын. Нош выжыкылъёсты
берыктон бордын ужазы Удмурт кун
университетысь студентъёс. Книга
поттэмын Финляндиысь М. Кастрен
огазеяськонлэн юрттэменыз
«Удмуртия» издательствоын.
- Фольклорлэн вань одйг бадзым
тодметэз, - шуиз филология
наукаосъя доктор Татьяна
Владыкина, - мае кылйськом, сое
ик лыдзиськом. Но гожтйсь сое
чеберъяса калыке вблмытэ ини.
Татьяна Григорьевна борды
итйськиз Удмурт кун
университетысь филология
наукаосъя кандидат Галина
Шушакова:
- Та книга юрттоз студентъёслы
но, школаын дышетскисьёслы но.
Асьмеос табере з'ечгес тодомы
венгер калыклэсь выжыкылъёссэ.
Лыдзись малпаськонэ усёз: удмурт
но мадьяр произведениослэн кыче
аспбртэмлыкъёссы вань.
Университетысь финугор
факультетысь нылъёс но пиос
быдэстйзы Миклошлэн кубызэн
шудэмез улсын чебер мадьяр
кырзанэз. 5-тй курсысь студентка
Лена Фролова калыкез тодматйз
Бенэдэк Элэклэн улэм-вылэменыз
но творчествоеныз.
Купить книгу
«Зарни тюльпан»
Любовь ТИХОНОВА
Источник: Газета "Удмурт Дунне"
№148 (24689) 05.10.2010г.
|