«Вуюись кадь ворпо»
Монэ шунды
сайкатüз,
Вешаса сиосыныз,
Музъемез мон улзытü
Вож дüсен шобырскыны.
Нырысь ик шумпотонэ -
Пыдэстэм кадь чагыр ин,
Кыкетü шумпотонэ -
Нырысь ик жужам кечсин.
«Кылзы,
тулыс!» кылбурен усьтüське
Удмурт Элькунысь калык
кылбурчилэн Герман Ходыревлэн
«Ву юись вуюись» нимо выль
книгаез. «Удмуртия»
издательствоын кылем арын гинэ
потüз вал Герман Алексеевичлэн
«Машилэн азбараз» нимо бичетэз.
Таиз чылкак выль уж. Удмурт
нылпи сямъёсты тодüсь но валась,
пичиос понна ялан сюлмаськись
кылбурчилэн котькуд нунал сямен
чуръёсыз вордско вылэм. Тросэз
соос, блокнотъёсаз, огшоры
кагазъёс вылэ гожтыса, кылизы.
Герман Алексеевичлэн нылыз
Марина Ходырева атаезлэсь
кылбуръёссэ люказ но «Удмуртия»
издательстволы дэмлаз. Сюлмысь
потэм, пичи муртлэсь лулпушсэ
валаса гожтэм чуръёс ноку но уг
вужмо.
Озьы вераны луоз Г. А.
Ходыревлэн таиз кылбур бичетэз
сярысь но. Татчы пыремын арлэн
пöртэм вакытъёсызлы сüзем
суредъёс, юмоке сюрылэм сярысь
учыръёс, умойтэм сямъёс сярысь
гожтэмъёс Озьы ке но котькуд
бамын шöдüське но адзиське
нокинэн сураны луонтэм адями –
со Герман Ходырев.
Книгаез син шоры яркыт пуктымон
лэсьтэм егит суредась Александр
Васильев. Со шöдэм кылбуръёслэсь
пуштроссэс, авторлэсь ма вераны
сюлмаськемзэ, ма сярысь
индылэмзэ. Таче тунсыко, вуюись
кадь ворпо бичетэз шумпотыса
киязы басьтозы пичиос но,
соослэн анай-атайёссы но.
Книга поттэмын Удмурт Элькунысь
Нациосын ужан политикая
министерстволэн кичöлтэмезъя но
«Удмурт Элькунысь кун кылъёс но
Удмурт Элькунысь калыкъёслэн
мукет кылъёссы сярысь» законэз
быдэсъян чотын.
Георгий ТУЙМАТОВ.
Источник: Газета "Удмурт Дунне"
№027 (25159) 9.04.2013г.)
|