487295596 - общие вопросы

ГУП УР «Книжное издательство «Удмуртия» ведет свою историю с сентября 1919 года. За 100 лет издано

свыше 9000 названий книг, учебников, брошюр общим тиражом более 90 млн. экземпляров.

Пресса об издательстве * Удалтэм калык

«Удалтэм калык»

Пичи Пурга ёросысь Брангуртлэн историезлы, отысь калыклы сüзьыса, «Бурановский сельсовет. История и современность» книга потüз. Сое дасязы Пичи Пурга черкогуртысь историлы дышетüсь Валентина Зорина но Яган-Докья гуртысь дышетüсь Анна Вологжанина. Соослы юрттüськизы Павел Чушъялов, Людмила Посадова, Владимир Байсаров, Арсентий Ивашкин, Кузьма Кузнецов но Юлия Миронова. Книга поттэмын «Удмуртия» издательствоын.

Книга кие кутымон пöрмем. Нош пуштросэз макем узыр! Вылбамаз адско гуртлэн чебер интыосыз, тодмо адямиосыз. Нырысетü бамаз Брангурт палъёслэн картазы суредамын. Азьвыл аръёсы та сельсоветэ 10 пичи гурт пыре вылэм. Котькуд гуртлэн кылдэмез сярысь гожъямын.

1900-тü-1924-тü аръёсы Сарапул уездысь Брангуртысь Дун-чылкыт Тройчалы сüзем черкын ужамын тодмо удмурт этнограф, тодосчи, бачко Григорий Верещагин.

Вашкала дырысен тапалъёслэн данъяськонзы луэ Яган базар. Шутэтскон нуналъёсы отчы дüськутэн, пудоен но бакча сиёнъёсын вуз карыны ветло вылэм. Али ке но та базарзылы бырыны уг сёто.

Брангуртъёс данъясько татын вордскем адямиосынызы: кылбурчи но радиожурналист Виктор Ивашкин, суредасьёс Николай Быков но Зоя Лебедева, Пичи Пургаысь «Маяк» редакциын кема аръёс чоже ужам корреспондент Кузьма Кузнецов. Та музъем вылын ик, Пуро-Можга гуртын, пичи дырыз ортчиз кылбурчилэн но журналистлэн Эрик Батуевлэн. Яган-Докья шор ёзо школаын дышетскиз калык писатель Кирилл Ломагин. Брангуртын вордскемын тодосчи-лингвист Константин Баушев. Будэ ини мукетыз но тодосчизы – Анастасия Чушъялова. Настя та вакытэ Москваын улэ но дышетске.

Брангурт муниципал кылдытэтын Социалистической Ужысь Геройзы но вань. Со – Антонида Жигулёва. Та нылкышно кема аръёс чоже скал кыскись луыса ужамын. Октябрь Революцилэн орденэныз пусъемын комбайнёр Александр Бабин. Горд Кизили орденэн – Михаил Ефремов. Со кема аръёс «10 лет УАССР» нимо совхозын трактор-машинаосты тупатъян мастерскоен кивалтüз. Уноез ужасьёссы Ленин нимо, Ужысь Горд Знамя, «Знак Почёта» орденъёсын но медальёсын пусъемын.

           Разворот обложки книги

Бурановский сельсовет. История и современность

         (нажать для увеличения):

Брангурт сельсоветысь тросэз воргоронъёс войнае кошкизы. Уноез соос пöлысь бырыны шедизы. Кылсярысь, Яган-Докья гуртын 143 адями быремын, Брангуртын – 116, Пуро-Можгаын – 82.

Берло аръёсы гуртлэсь данзэ эшшо но жутüзы песянайёс.

Книгае пыртэмын школаын дышетскись нылпиослэн но ужъёссы. Соос котькуд гуртысь, пересьёслэсь юалляськыса, удмурт семьяослэсь воршудъёссэс но бöляк нимъёссэс гожъяллям.

Любовь Тихонова.

Источник: Газета "Удмурт Дунне" № 127(24866) 30.08.2011г.

Скачать удмуртские шрифты Times New Roman Udm(остальные) Arial Udm, Courier Udm, Verdana Udm, Поиск,