487295596 - общие вопросы

ГУП УР «Книжное издательство «Удмуртия» ведет свою историю с сентября 1919 года. За 100 лет издано

свыше 9000 названий книг, учебников, брошюр общим тиражом более 90 млн. экземпляров.

Пресса об издательстве * Суредъёсын кылсузьет

«Суредъёсын кылсузьет»

Луэ-а суредъёс пыр гинэ мукет кылэз дышетыны? Луэ, верало тодосчиос.

Таче ужпум борды бась­тüськиз А. Журавлёва. Анай, мама, mother – тазьы вераськыны туннэ луонлыксы вань нылпи садэ ветлüсьёслэн но, школаын дышетскисьёслэн но. Соос кие вуиз «Суредъёсын кылсузьет. Удмурт, зуч, англи кылъёсын» пособие. Та бордын ужаз на «Удмуртия» книгапоттонниысь редактор Т. Пояркова.

Кылсузьетэ пыртэмын 34 темая ог 600 предмет нимъёс. Соослэсь пуштроссэс валаны юрттозы Удмуртиысь калык кылбурчилэн А. Леонтьевлэн буёло пичиесь суредъёсыз. Кылсярысь, сётэмын семьяен, гуртэн, пöйшуръёсын, арлэн вакытъёсыныз, лыдъяськон пусъёсын герзаськем кылъёс. Нош сюжето суредъёсъя пиналъёс пöртэм веросъёс малпаны быгатозы, мадиськонъёс, кылбуръёс но кырзанъёс дышетозы.

* * *

Паймымон выжыкыл дуннее вуиськод, «Лöпшо Педунь серекъя» книгаез лыдзыса. Со нырысьсэ люкамын но поттэмын вал тодмо тодосчиен Д. Яшинэн 1968-тü арын. Мукет геройёс сямен ик, Лöпшо Педунь но котькыче шуг-секытъёсты ворме, урод сямо муртъёсты бышке. Вераны кулэ: та выжыкыл огдыре зуч кылын но потüз. Лöпшо Педунез суредаз М. Вахрин.

* * *

Инкуазен, улонэн тунсыкъяськисьёс понна нимысьтыз 7 пичи книгаос дасямын: «Птицы. Тылобурдоос», «Насекомые. Нымы-кибыос», «Рыбы. Чорыгъёс», «Животные. Пöйшуръёс», «Грибы. Губиос», «Лекарственные растения. Эмъюм будосъёс» но «Удмуртские народные узоры. Удмурт калык пужыос». Таос бордын ужаз редактор Т. Воронова. Котькуд сузьетын валэктонъёс сётэмын, чебересь суредъёс лэсьтэмын.

* * *

С. Лебедевалэн «Удмурт калык пужыятон» ужез наука ласянь жот-жот эскеронъёсыныз висъяське. Со куинь кылын поттэмын – удмурт, зуч но англи. К. Герд нимо Национальной музейысь узыр люкамъёс пöлысь татчы пыртэмын уката яркытъёсыз – калык сямез но дунне шоры учконэз возьматüсь пужыос. Пöртэм интыосын улüсь удмуртъёслэн пужыятсконзылэсь аспöртэмлыксэс усьтэмын, пужыятскон амалъёс суредаса сётэмын. Вань та книгаосты басьтыны быгатüськоды «Удмуртия» издательствоысь.

Георгий ТУЙМАТОВ.

Источник: Газета "Удмурт Дунне" № 21(24957) 15.02.2012г.

Скачать удмуртские шрифты Times New Roman Udm(остальные) Arial Udm, Courier Udm, Verdana Udm, Поиск,