487295596 - общие вопросы

ГУП УР «Книжное издательство «Удмуртия» ведет свою историю с сентября 1919 года. За 100 лет издано

свыше 9000 названий книг, учебников, брошюр общим тиражом более 90 млн. экземпляров.

Пресса об издательстве * Пöраськоз но пöяськоз

Пöраськоз но пöяськоз

Туннэ вордскем нуналзэ пусъе «Удмуртия» издательстволэн директорез Юрий Кузнецов. Капчи мылкыдо воргорон котьма карыны усточи. Книгаос пöлын бугыръяськем сяна, пöраськыны но яратэ.

Можга ёросысь Бадзым Кибья черкогуртысь Кузнецовъёслэн семьяязы ньыль пинал будüз, Юра - кыкетüез. Гуртысь пиос ваньзы сямен техника борды кыстüськизы, нош со книга-газетъёс лыдзыны дыртüз. Соин но, дыр, пичиысен кыллы шаплы будüз. Жöк сьöрын пукон сяменыз анаезлэсь пöраськон амалъёссэ синйылтылüз. Табере со гур дурын усточи: шыд но пöзьтэ, перепеч но пыже. Уж дорысьтыз эшъёсыз вордскем нуналзэ гинэ витё, ку, пе, Юрий Васильевич перепечен куноятоз.

- Уд но оске, вордскем нуналэ азьын 100 пала перепеч пöрасько, - шуэ Юрий Кузнецов. - Эшъёсы укыр трос, ма, собере издательствое пырась-потасьёс но уг быро, ваньзэс чаен куноятüсько. Вазь вуэм куноослы ческыт пыжос шеде, бере кылемъёсызлы - канфет, печення. Яратüсько губияны, сое толлы куасьтыса дасясько. Соин ик перепеч но губиен кутэмзэ гажасько, губи öвöл дыръя курег чемон но уг мыльы.

Юрий Васильевич «городской» зазег но пыже. Малы городской шуиськоды-а? Городын улüсьёс, пе, пичиен сиськыны дышемын яке бадзым моклок сüлез сиымон семьязы öвöл. Соин ик зазег сüлез юдоно. Собере сурет дасяно: векчи юдэм чеснок, сылал, изэм пöсьтурын, чечы. Соин зазег сüлез сурано. Чечы сüльлы ческыт шöм пычатэ, туссэ куренялэс каре.

- Зазегдэс огдырлы вунэтэ но чабей жук дасяны кутске, - веранзэ азьланьтэ Юрий Васильевич. - Сое вар-вар пöзьтоно, отчы ватсано векчи юдэм сылалтэм кияр, куасьтэм губи но сугон. Жукез дась «пöзьые» (пыжиськонын кутüськись рукаве) поныса, зазег сüль ватсано. Жукен сüлез кык час пала духовкаын пичи тыл вылын пыжоно.

Со сяна, Юрий Васильевич монэ парсь сüль пыжыны дышетüз. Пöсь таба вылын, пе, кыкналасянь пырсатоно, вылзэ варенняен но майонезэн таш-таш зырано, сылалтоно. Со вылэ ик юдэм банан но картошка ватсано. Гурын 10 минут пыжем бере сиёнэз локан ведрае куштоно но, магазинэ мыныса, пельнянь басьтоно…

Ачим но öй шöды Ю. Кузнецовлэн куриказ шедемме. Ваньзэ зэмос вера кожаса, тетрадям гожъяй вал…

Валентина Емельянова

Взято отсюда

Источник: Газета "Удмурт Дунне" № 17 (24756) от 09.02.11г.

Скачать удмуртские шрифты Times New Roman Udm(остальные) Arial Udm, Courier Udm, Verdana Udm, Поиск,