487295596 - общие вопросы

ГУП УР «Книжное издательство «Удмуртия» ведет свою историю с сентября 1919 года. За 100 лет издано

свыше 9000 названий книг, учебников, брошюр общим тиражом более 90 млн. экземпляров.

Пресса об издательстве * Оксилэн сюлмаськонъёсыз

Оксилэн сюлмаськонъёсыз

Одüг корка - со у рам но, гурт но öвöл на. Быдэс ульча кылдытон понна ог дасо ке но юрт пуктоно. Собере гинэ выль гурт сярысь вераськыны луэ ни. Одüг интые асьсэлы корка жутüсь адямиосты но соку ик гурт калык уд шуы на. Со понна ог-огдэ тодыны, валаны кулэ, дыр.

Та сярысь малпаськи Римма Игнатьевалэсь «Оксилэн сюлмасько-нъёсыз» выль книгазэ - веросъёсын повестьсэ - лыдземе бере.

Покчи нылашлэн, Оксана Мошкиналэн, пöртэм югдуръёсы, тумошо учыръёсы сюрылэмез но отысь «кöсын» потыны тыршемез сярысь вакчиесь веросъёс одüг «ураме», одüг бадзым липет улэ инъямын - озьы веросъёсын повесть кылдытэмын. Шонерзэ вераса, таче жанрен удмурт книгаос шер потыло. Нош покчи пиналъёс понна та дырозь одüг но öй вал на кадь.

- Рукописе «Удмуртия» книгапоттонниын 11 ар кыллиз, - вера книгапэн авторез Римма Игнатьева. - Мынам Оксие кемалась школаез йылпумъяз ни...

Но ылаш нырысетü ньыль веросъёсын 5-6 аресъем гинэ, собере школае мынэ, дышетскись луэ.

Повесть 20 верослэсь кылдытэмын. Кöтькудüз вакчи произведение - аспöртэм урок. Оксилэн нырысь ик дышетйсьёсыз луо Лелина песянаез, анаез но атаез, эшъёсыз... Огшоры лымы но куддыръя дышетüсьлы пöрме. Али усем лымыез веръятэк, нылпи чидалоз шат? Окси но («Лымылэн шöмыз» верос) тöдьы мамыкез сие. Нош чуказеяз висьыны усе. Та учыр бере со лымы шоры мукетгес синмын учкоз, ымаз уз поны ни.

Пичи нылаш бадзымъёслы олокыче но юанъёсын вазиськылэ. Песянаез яке анайатаез со юанъёсызлы куддыръя кызьы валэктыны ик шугъясько. Сыче дыръя пöяса верамзы бöрысь одно ик шараяське. Дыды соослэсь валэктэмзэс уг вунэты угось. «Оксилэн сюлмаськонъёсыз» веросын нылаш Выль ар шулдыръяськонысь ббрдыса бертэ.

«- янаез борды жиптйськиз.

- Ма, чупаз ке, иське, костюмед яраз, дыр. Яратэм понна уг бöрдо - шумпото. Нош тон... - дыдызэ, тыбыраз вешаса, буйгатыны выре песянай.

Нош Окси уката кужмогес синвуаське:

- Тон ачид верад вал ук, буби нэнэме чупаз но - Очи выны кылдйз шуыса-а-а... Та-та-абе-эре мы-на-ам но кöта-ам ну-уны бу-уды-ыны-ны ку-утско-оз ук!

Тüни сыче сюлмаськонэз пичи нылашлэн. Лелина песянай внучказэ буйгатыны выре: «Ярам, бадзымгес будüд ке, мадё, кытысь но кызьы кылдо вож нуныос».

Та ужпум «Катысь шедьто нылпиез» веросын но жутüське. Пиналъёс зэмзэ но тунсыкьясько нунылэн кылдэмез пумысен. Кöтькудüз анай-атай нылпиезлы со сярысь асьсэ сямен валэктыны выре. Таяз учыре пиналъёслэн юанъёссылы дышетйсьсы ва-лэктон сётья. «Ладие мынам укмыс толэзь чоже кöтам будüз», - шуэ дышетüсьсы. «Кызьы со кöт пушкы сюриз?» - та юан ачиз куриське ни. Соку Елена Фёдоровна тазьы валэктыны выре: «Вуоно нуны удам тысьлы нырысь укша. Пиосмурт но нылкышно нылпи вордыны мылкыд каро ке, соку со тысь вуоно анайлэн кöт пушказ пыре. Укмыс толэзь будэмез бере нунылы анаезлэн кöтаз зоскыт потыны öдъя, соку тüни врачъёс больницаын операция лэсьто. Куд-огез нылкышноос сыче операциез капчиен ортчо...»

Таче вапэктон сокем шонер öвöл, дыр. Мон авторез янгыше уськытыны уг турттüськы. Покчиослы нуны вордон сярысь мечак но шонер валэктыны шуг. Соин, вылды, дышетйсьсы но курадзе.

Римма аз пырем тросэз учыръёс улонысь басьтэмын, асэныз герзаськемын. Пичи дырысьтыз кылэм-адземзэ со алиеныз герзаны быгатэм на. «Санта-Барбара» веросэз лыдзыса, соку ик тодад ваёд сыче ик нимын возьматэм телесериапэз. Окси но сое учкем. Эшъёсыз сереме уськытыны вырыкузы, нылаш ваньмыз азьын вера, со Санта-Барбара каре ветлüз шуыса.

Лелина песянайлэн тусбуез, сямыз усто возьматэмын. Солэн дышетскемез ньыль класс гинэ, нош улонэз тодэм-валамез мур. Мöйы кышномурт вылын калык педагогика возиське, шуыны луэ.

Мынам малпамея, Оксилэн анай-атаез син азе сокем яркыт уг пуксё. Азьло анай-атайёс уж пöлы выемын вал, нылпиоссэс будэтонлы сокем саклык öз висъяллялэ. Али но сычегес ик югдур. Нылпиосты визьман уж садъёслы но школаослы оскемын. Оло, соин но автор Оксилэсь анай-атайзэ кöня ке веросъёсаз гинэ пыртэм.

Книга пичи форматэн поттэмын. Пöртэм буёло суредъёсыз отын луысал ке, со ас бордаз (уката ик пичиосты) юн кыскысап.

Кöтькуд удмурт семьяе та книга мед вуысал. Повестей тодматскыса, бадзымъёс но пиналъёс ог-огзылэсь сюлмаськонъёссэс зечгес валаны кутскысалзы.

Ульфат БАДРЕТДИНОВ, Россиысь Писательёслэн огазеяськонзылэн ёзчиез.

Источник: Газета "Удмурт Дунне" №34 (24773) 15.03.2011г.

Скачать удмуртские шрифты Times New Roman Udm(остальные) Arial Udm, Courier Udm, Verdana Udm, Поиск,