Лысвуос-а, синвуос-а...
Пичи
Пурга черкогуртысь культура
юртын «Лысвуос-а, синвуос-а...»
кылбур бичетэн тодматскон
ортчиз.
Книгалэн авторез - Сергей
Соснов. Та воргоронэз Пичи Пурга
ёросын гинэ öвöл, быдэс
республикаямы тодо ини. Сергей
Анатольевич чебер крезьгуръёс
кылдытъя, куараез но жингрес.
Берло дыре со тросгес кылбур
чуръёс пöрмытъя. Авторлэн та
кыкетü книгаез. Нырысетüез -
«Кизили лыдъян уйёс» -
«Удмуртия» издательствоын
2003-тü арын потüз.
Книгаен тодматсконэ вуылüзы
вордскем Баграш-Бигра
гуртысьтыз, Ижысь куноос. Соос
усточилы трос шуныт кылъёс
веразы. Ёросысь 5 крезьгурчиос
но эшсэс зечкыланы вуиллям.
Уно кырзанъёссэ С. Соснов ас
чуръёсызъя гожтüз. Кельшо на
солы Александр Белоногов,
Алексей Ельцов. Туннэ нуналозь
Сергей Анатольевич 50-лэсь ятыр
кырзанъёс кылдытüз ини.
Книгаез поттыны юрттüзы ёрос
администрация, гурт эштосъёс,
фермеръёс, эшъёсыз,
чыжывыжыосыз. Оло, соин но бичет
кие кутымон, сюлэмез бугыртüсь
пöрмем. Пумиськонэз шуныт
мылкыдо карыны юрттйзы
кырзась-верась усточиос, ёрос
библиотекаысь но культура юртысь
ужасьёс.
Алексей ЕЛЬЦОВ.
Источник: Газета "Удмурт Дунне"
№65 (24804) 11.05.2011г.
|