«Лымы вералоз…»
Чуказе Дэри ёросысь Подшивал
культура юртын ортчоз та гуртын
вордскем кылбурчилэн Александр
Вотяковлэн «Верась лымы»
сборникеныз тодматскон.
Выль
книга потüз «Удмуртия»
издательствоын. Отчы пыризы
нылпиослы кылбуръёс. Соосты
люказ издательствоысь редактор
Вениамин Ившин.
«Верась лымы» бичетэн тодматскон
ортчоз 20-тü феврале Подшивалысь
культура юртын 19 часын.
Культура юртлэн кивалтüсез
Людмила Яковлева верамъя,
писателез буре вайыны люкаськозы
гуртоос но, вуозы Ижысь куноос
но.
- Ми твоын ужасьёсты, соос
тыршизы, та книга мед потоз
шуыса. Туэ Александр Вотяковлы
85 арес тырмысал, та сборник
кылбурчилэн вордскем нуналэзлы
кузьым выллем луиз. Писательёсты
витиськомы, кылсярысь, вуыны
кулэ Удмуртиысь калык писатель
Вячеслав Ар-Серги, Россиысь
культура удысысь дано ужась,
кылбурчи Галина Романова.
Лыктозы аспал эшмылэн
чыжы-выжыосыз. Гуртамы ик уло
Александр Вотяковлэн агаезлэн
нылъёсыз Ольга Борисова но
Светлана Тарасова. Ижысь вуозы
кылбурчилэн нылъёсыз Галина
Пустовалова но Людмила
Аввакумова. Книгаен тодматскон
зеч ортчыны кулэ. Та жытын
чузъяськозы солэн кылбуръёсыз,
гуртысьтымы нылпиос возьматозы
«Гондырпи Иши» выжыкылэз,
пумиськонэ лыктэм писательёс но
А. Вотяковлэн чыжы-выжыосыз со
сярысь тодэ-ваёнъёссэс вералозы,
дыр, – шуэ Людмила Яковлева.
Галина СЕМЕНОВА.
Источник: Газета "Удмурт Дунне"
013(25145) 19.02.2013г
Оригинал статьи:
http://udmdunne.ru/2013/02/lymy-veralo/.
|