Та нуналъёсы Национальной
библиотекаын тунсыко но
шуныт пумиськон ортчиз. Со
сüземын
вал филология наукаосъя
докторлэн, Удмурт кун
университетысь профессорлэн
Валентин Кельмаковлэн
«Удмурт синоним кыллюкам»
книгаеныз тодматсконлы.
Ужрад нимаськиз: «В. К.
Кельмаков. Вань улонэз
удмурт кыл дуннеын».
Валентин
Кельмакович, зэмзэ но,
ваньулонзэ сüзиз
удмурт кылэз эскеронлы но
дышетонлы.
Та удысын со 40 ар чоже
тырше ини. Тодосчилэн
300-лэсь ятыр печатлам
ужъёсыз, 50-эз нимаз
брошюраосын но книгаосын
потэмын.
Пусйыны
кулэ: тачеез удмурт
синонимъёсын кыллюкам асьмелэн
öй вал
на.
Валентин
Кельмакович нырысь ик тау
кариз книгалы югыт дунне
вылэ вордскыны юрттüсьёслы
- Финляндиысь М. Кастрен
нимо обществолы но
«Удмуртия» издательстволы.
Кыллюкаме
пыртэмын 3600-лэсь ятыр
кылъёс, кыл тэчетъёс но
фразеологизмъёс. Туж узыр со
пöрмем.
Но, жаляса верано, та
словарез вакчиятыса поттоно
луиз, зöкталаезъя
кык-куинь таиз быдза луыны
кулэ вал, пусъе тодосчи,
малы ке шуоно туала арын
ваньмыз пыкъяське коньдон
борды. Книгалэн тиражез - 3
сюре 100 экземпляр.
Кыллюкамлэн
кулэлыкез еярысь кенешонэ
пыриськизы трос тодосчиос,
аспирантъёс, дышетüсьёс
но студентъёс. Авторлы трос
юанъёс сётъязы. Та книгаен
тодматскыса, эшшо золгес шöдймы:
макем узыр асьмелэн удмурт
кылмы. Озьыен, со азинскоз,
эшшо но вольытгес луоз.
Синонимъёсын
кыллюкамез уже кутыны
быгатозы студентъёс,
дышетскисьёс, кылысь кылэ
берыктüсьёс,
журналистъёс но писательёс.
Тужгес но
зеч юрттэт со луоз
кылбурчпослы но
дышетйсьёслы. Текстын угось
олокöня
пöртэм
кутüськись
кылъёсты вошъяны, чебергес
карыны луоно.
- Люкам
кылъёсты пример вылын
чошатоно луиз, - веранзэ
азинтэ тодосчи. - Котькудйз
кыл басьтэмын книгаысь яке
газетысь.
Валентин
Кельмакович мукет
тодосчиосын чош азьланяз
малпа «Удмурт кылосбур»
сериез азинтыны.
Удмуртиысь
Писательёслэн
огазеяськонзылэн тöроез
Егор Загребин Валентин
Кельмаковез зечкылаз сое
алигес Писательёслэн
огазеяськоназы кутэмен.