487295596 - общие вопросы

ГУП УР «Книжное издательство «Удмуртия» ведет свою историю с сентября 1919 года. За 100 лет издано

свыше 9000 названий книг, учебников, брошюр общим тиражом более 90 млн. экземпляров.

Пресса об издательстве * Котьмае веръяй, адзи.

Источник: Газета "Удмурт Дунне" №74 (24615) 26.05.2010г.

Котьмае веръяй, адзи.

Кылем арняе Ижысь Национальной библиотекае чош ужась эшъёссэ, тодосчиосты, студентъёсты, журналистъёсты, лыдзиськисьёсты люказ профессор, история наукаосъя доктор Карл Пономарёв.

Пумиськыны мугез бадзым вал. Карл Александровичлэн «Личность в истории» книгаез потüз.:

Карл Пономарёвез шаерамы тодüсьтэмез öвöл, дыр. Со дышетон удысысь отличник, Россиысь вылü школаысь дано ужась. Пусъемын «Знак Почёта» орденэн но «За развитие российской науки» медален. Кылем арын данъямын К. Герд нимо премиен. Али со тырше Удмурт Республикаысь Дышетüсьёслэсь тодон-валанзэс будэтонъя институтын. 1989-тü арысен кивалтэ Удмуртиысь «Знание» огазеяськонэн. Карл Александровичлэн пероез улысь потэмын 11 монография но 300 пала ужъёс.

Бичетлэн нимыз бордаз кыскись. «Личность в истории» книгаяз К. Пономарёв, номырзэ ватытэк, вера аслаз улонэз сярысь. Секыт пичи дырзэ, егит аръёссэ, институтын дышетскемзэ, удмурт калыкез огазеян но политика удысын ужамъёссэ тодаз вае. Та адями бадзым специалист историяя, дышетонъя, калык кусыпъёсъя. 1989-тü арын со Ижын кылдытüз «Удмурт клуб», Карл Александрович ик вал удмурт культурая «Дэмен» огазеяськонлэн нырысетü тöроез. Соин ик та книгаяз бадзым инты висъя удмурт движенилы. Угось солэн сюлмыз висе анай кыл, удмурт культура, история пумысен.

Автор улонзэ котыр ласянь возьматэм, лыдзись азьын «гольык» кыльыны кышкамтэ. Озьы ик абдрано солэн йырсазезлы. Со вань тодмоосызлэсь, чош дышетскем, ужам, озьы ик огпол ке но пумиськылэм адямиослэсь нимтулъёссэс тодэ. Котькудзы сярысь маке зечсэ, шунытсэ вераны шедьтэ, тушмонъёсызлы но йырзэ кур уг кары.

Ма муген кылдüз таче книга? Автор ачиз валэктüз:

- Матэктэ бадзым юбилее. Котькуд адями сямен, мон но малпаськыны кутски, мар лэсьтü улонам та дыр чоже, кыче пытьы кылёз мон бöрсьы? Мон огшоры адями, быдэс улонме ужай, калыклы пайда вайыны тыршыса. Мукетъёсыз сямен ик, котьмазэ веръяй, адзи: умойзэ но, уродзэ но, ческытсэ но, курытсэ но. Ваньмыз та сярысь мадеме потüз. Нош книгалэн нимыз сярысь ке, кудогез, оло, малпалоз, асме укыр вылüе пуктüсько шуыса. Но та бичет мон сярысь гинэ öвöл. Улон монэ герзаз Удмуртия понна трос лэсьтэм адямиосын, соос сярысь но татын гожтэмын.

Йылпумъяса вераны быгатüсько: мон данъяськисько, таче книга гожтü шуыса, со умой пöрмиз, малпасько, шуиз Карл Александрович.

Лали АБАЗАШВИЛИ

http://www.udmdunne.ru/articles/art4847.html

Скачать удмуртские шрифты:

(рекомендуется) Times New Roman Udm (остальные) Arial Udm, Courier Udm, Verdana Udm, Поиск, За