Источник: Газета "Удмурт Дунне" №59 (25480) 16.08.2016г.

«Удмуртия» издательство тодмо зуч крезьгурчилэн Пётр Чайковскийлэн вордскемез дырысен 175 ар тырмон азьын «Пётр Чайковский. К родословной» книга поттüз вал. Бичет, калык пöлы вöлмыса, быриз.

Ма сярысь со вера? П. Чайковский - асьме элькунмылэн одüгез яркыт тодметэз. Крезьгурен тунсыкъяськисьёс, огшоры улüсьёс, лыдзисьёс туж ярато землякмес, со сярысь ялан маке но выльзэ, тунсыкозэ тодэмзы потэ. Дорамы пырасьёс ялан юало со сярысь гожъямъёсты. «Пётр Чайковский. К родословной» книга чебер, кие кутымон пормиз вал. Лыдзисьёслэсь мылкыдзэс лыдэ басьтыса, ми та книгаез выльдыса поттоно кариськимы. Таиз нимаське «Пётр Чайковский. Родина гения». Вераны кулэ, вань сюлэмзэ поныса, тауж бордын тыршиз милям егит дизайнермы Валентин Семёнов. Солэн чеберез шöдэмез, куронъёсты валамез бордысь ик вордскиз та выль издание.

Пётр Ильич сярысь ми эшшо 2 книга поттüмы на вал, авторзы - Рудольф Минин. Книгаос нимасько «Наш Чайковский» но «Надежда Чайковского». Нырысетüяз автор эскере тодмо крезьгурчилэсь улон сюрессэ, крезьгур дуннезэ. Нош кыкетüяз сётэмын солэн эшеныз но юрттйсеныз Надежда Филаретовна фон Мекк баронессаен кусыпъёссы сярысь материалъёс.

П. Чайковский вунэтэмын öвöл, асьме полын уло солэн крезьгуръёсыз, ортчо крезьгуро фестивальёс, ужа музей-усадьбаез. Озьы ик книга жажыосын котьку но луыны кулэ дано крезьгурчимы сярысь выль ужъёс.