487295596

(3412)78-45-66

ГУП УР «Книжное издательство «Удмуртия» ведет свою историю с сентября 1919 года. За 100 лет издано

свыше 9000 названий книг, учебников, брошюр общим тиражом более 90 млн. экземпляров.

Пресса об издательстве * Быдтüзы ке но – улэп

Быдтüзы ке но – улэп

Удмуртилэн Президентэзлэн Александр Волковлэн указэзъя 2011-тü ар ялэмын Трофим Борисовлэн ареныз. Таин валче трос ужрадъёс ортчизы ини. Югдытüсьлы сüзьыса ик, «Удмуртия» издательствоын потüз «Т. К. Борисов: быдтüзы ке но – улэп» книга. Соин тодматскон ортчиз Ижысь нылпи библиотекаын Национальной библиотекаын ужасьёслэн кичöлтэмзыя.

Книгае пыризы писательёслэн, тодосчиослэн, журналистъёслэн Трокай сярысь статьяоссы, солэн чыжы-выжыосызлэн тодэ ваёнъёссы но Т. Борисовлэн аслаз гожъямъёсыз. Книгаез дасяны юрттüзы Трокайлэн чыжы-выжыез (племянницаез) Раиса Корепанова, история наукаосъя кандидат Людмила Христолюбова, Россиысь Писательёслэн огазеяськонзылэн ёзчиез Николай Кузнецов но мукетъёс. Материалъёсты люказ «Удмуртия» издательствоысь валтüсь редактор Вениамин Ившин.

 - Дырез но улонэз асьмеос ум бырйиське, но зэмос талант, шуг-секытъёс шоры учкытэк, одно ик шараяське, аслэсьтыз сюрессэ шедьтэ, – шуиз Вениамин Никонорович. – Куд-ог дыръя калык понна сюлмаськемез адямилы быронэн берытске ке. Озьы ик луиз Трофим Борисовен но. Дано югдытüсьлэсь улон-ужан сюрессэ эскеризы вал ини тодосчиос Никифор Павлов, Кузьма Куликов, писатель Николай Кузнецов. Соослэн гожъямъёссы вылэ пыкиськыса, дасямын та книга. Шонерзэ вераса, татчы вань чаклам материалъёс öз тэре. Но шаерамы Борисов сярысь трос уг тодо на, соин ик книгае уногес пыртыны тыршим документъёсты, автобиографизэ. Матысь дыре дасяломы со сярысь кыкетü книга. Отын тросгес луозы туспуктэмъёс, чыжы-выжыосызлэн тодэ ваёнъёссы, выжыез сярысь гожъямъёс, озьыен, мукетыз бичет эшшо тунсыкогес луыны кулэ. Туннэ нуналлы Трофим Борисовлэн агаезлы ыстэм гожтэтъёсыз шедьтэмын öвöл на. Та сярысь гожтыны малпа вал, но öз вутты писатель, литературовед Пётр Поздеев. Оло, со материал вань Пётр Кирилловичлэн кузпалыз киын. Соин ик ужмы трос на. Та книгаез лыдзыса, валалоды: Трокай, Удмурт автономиез кылдытыны сюлмаськем сяна, туж трос лэсьтüз наукаез, литератураез азинтон понна.

Удмурт кун университетысь журналистикая кафедраен кивалтüсь Александр Шкляев пусъе Трокайлэсь дüсьтüсь луэмзэ:

- Со мынüз отчы, кытын тужгес кулэ вал: дышетон, эмъян удысъёсысь вамыштüз политикае. Ньыль ар пала, тужгес секыт но кышкыт аръёсы, поттüз «Гудыри» газетэз. Ужасьёс тырмымтэен, номеръёсты чем дыръя огназ дасялляз. Туннэ нуналлы со аръёсысь 4 подшивка улэп на. Но газетъёсты кие кутыны уг луы ни, сокем вужмемын. Соосты утён вылысь одно ик цифровой форматэ выжтыны сюлмаськоно.

Пытсэт сьöрын, допросъёсын гожъям документъёс вылэ пыкиськыса, зуч но удмурт кылын книга поттüз Николай Кузнецов. Солэн «Шимес пеймытысь» бичетэз калыклэсь синъёссэ усьтüз, малы ке шуоно 1930-тü-1937-тü аръёсы репрессиосын курадзытэм удмурт интеллигенция сярысь шара уг верасько, тросэз уг но тодо вал.

- Мынам улонам Трофим Борисов 20 арлэсь кема ини, – веранзэ мытэ Николай Спиридонович. – Архивъёсын пукыса, допрос дыръя ас киыныз гожъямъёсты лыдзыса, Трокай мон азьын сылэ кадь потылüз, син азям пуксизы солэн тусыз-буйыз, малпаськонэз, улон шоры учконэз, курадземез. Со ньыль пол пытсэт сьöрын вал, быдэсак шонере поттüзы, чылкыт нимзэ берыктüзы 1989-тü арын гинэ. Удмуртиысь кун архиве ветлыкум, мон тодü: Трокай сярысь документъёсты учкылэм Никифор Павлов гинэ. Мон малпасько, али но соос пыр-поч эскеремын öвöл на. Егитъёс, студентъёс дано удмурт пилэсь ужамзэ но творчествозэ мед эскерозы, курсовой, диплом ужъёс солы сüземын мед луозы. Шумпотымон, уно бызьылыса ке но, быгатüмы Можгаысь педколледжлы солэсь нимзэ сётыны. Т. Борисов ласянь тросгес ужаны кулэ шаерысьтымы Дышетонъя но наукая министерство. Со ведь 1922-тü арын кивалтüз Облоноен (калыкез дышетонъя областной отдел), туала сямен учконо ке, министр вал.

К. Герд, Т. Борисов кадь адямиос асьсэ сярысь öз малпаське, улüзы калык понна. Уно аръёс чоже Трокайлэсь нимзэ вунэтыны косэмын вал. Усто врач, этнограф, политик но журналист мурт музъем вылын быриз 1943-тü арын 4-тü июне, но сюлмыныз котьку вал удмуртъёсын, вордскем алнаш палъёсыныз, чыжы-выжыосыныз. Со гажаз мукет выжыысь калыкъёсты но, зеч вераськиз зуч, француз, бигер, пор, коми кылъёсын. Уно материалъёс гожъям сяна, поттüз «Песни южных удмуртов» но «Удмурт кыллюкам» бадзымесь ужъёссэ. Та но мукет книгаосын тодматскыны луэ Ижысь нылпиослы библиотекаын ик, отын ужа Т. Борисовлы сüзем адзытон. Трокай сярысь выль книгаын пыртэмын озьы ик аслаз гожъямъёсыз но. Соосты туж мыло-кыдо лыдзиськод, статьяос таш-таш алнаш диалектэн гожтэмын. Тросэз соос сüземын тыл кысконлы, гурт калыклэн улэмезлы, сое югдытонлы-визьманлы.

Та книга – эшшо одüг вамыш дано удмурт югдытüсьлэсь нимзэ утёнын. Нациосын ужан политикая министрлэн воштüсез Татьяна Ишматова пусъе: - Азьло, гуртъёсы потüськом ке, куд-огез юало вал: кин со Трокай Борисов? Али сычеос öвöл ни. Т. Борисовлэсь арзэ паськыт ортчытüськом. Пöртэм конференциос, адзытонъёс радъям сяна, «Удмурт кенеш» огазеяськонлэн юбилей ужрадаз удмурт азьмынüсьёс данъямын вал «Трофим Борисов» медален, ваньмыз-öвöлэз 15 мурт. Азьланяз чакламын устоосызлы удмурт студентъёслы солэсь стипендизэ сётъяны. «Т. К. Борисов: быдтüзы ке но – улэп» книга но чебер, кие кутымон пöрмемын, малпасько, сое лыдзисьёс, юасьёс трос луозы.

Галина Семёнова.

Источник: Газета "Удмурт Дунне" № 182 (24921) 6.12.2011г.

Скачать удмуртские шрифты Times New Roman Udm(остальные) Arial Udm, Courier Udm, Verdana Udm, Поиск, За